《丫鬟大联盟》昨日（2月21日）举行烧猪拜神仪式，有份参演的TVB靓女花旦可谓空群而出。除了女主角黄心颖之外，当然不得不数另一主角，有「靓汤」之称的汤洛雯。
汤洛雯这次终于不是大小姐
有名你叫，「靓汤」喎。梗系有返咁上下靓。
这次汤洛雯与黄心颖合作，可谓是「天衣无缝」。因为2人同是多年《学是学非》的「是非精」，剧中不少对白配搭，更在2人默契之下令效果更好。「故事讲我的是通房丫鬟，会一起睡的。我的会倾『扯被』闹大家嗰啲，会谂点样可以变得好笑啲，得意啲，有喜剧效果啲。」
汤洛雯加黄心颖，立刻想起《学是学非》
剧中除了黄心颖外，更有另一对手，饰演汤洛雯的书生男友谢东闵。问到有否与他过电时，汤洛雯说：「佢都OK嘅，高高大大，靓靓仔仔。剧内都有感情线，不过剧以外就应该唔会。佢已经算好minor（轻微/湿碎），我之前嗰啲又锡又『盛』咁样，都已经锡过7，8个男艺人，好似集邮咁。（边7个？）我数到嘅，韦家雄、罗天宇、马国明啦、黎诺懿，仲有边个呢？好多㗎。呀，仲有黄德斌、胡诺言。不过同胡诺言嗰套就未出街，OK㗎，佢都几好锡，哈哈哈。」唔讲唔觉，原来汤洛雯先系「食家」⋯
谢东闵
谢东闵其实入行咁耐只系唱过《巴不得妈妈...》嘅插曲《Can't Take My Eyes Off You》同2012年《爆旋陀螺》嘅片头曲。
《丫鬟大联盟》今次找来型男谢东闵担任剧中第二男主角的角色，剧中饰演一名书生「庞凤红」。该剧更是他首次担任第二男主角以及首次的古装。谢东闵接受访问时说：「我淨系想做好我嘅角色，观众同公司觉得我做得好，我就已经好开心。其实今次演书生，啲之乎者也好难背，同埋要学古人嘅动作。我之前其实都睇左好多戏去学，例如《金装四大才子》又或者睇下《倩女幽魂》。」
谢东闵这次饰演一名书生，还是靓汤（汤洛雯）的男友
唔讲可能会唔记得，原来谢东闵当年凭著参加《超级巨声2》而开始受人所认识，其后加入TVB。虽然歌曲作品真系5隻手指都数得晒，不过明显地戏剧方面却演得有声有色。谢东闵在之后的《坚离地爱坚离地》及《十兄弟》中佔重戏份。其中年度TVB重本巨製《十兄弟》更担任两大男主角之一。去年（2017年）更拿了《星和无线电视大奖》的「TVB最佳新人」，可谓是TVB力捧新人。不过现年32岁的谢东闵才得到「TVB最佳新人」奖，会唔会迟左少少呢？
谢东闵：「有心唔怕迟呀嘛。阿杨（杨明）都咁多年先攞飞跃啦，所以我唔谂呢啲野嘅，公司俾个奖我，已经好开心。」演戏方面为谢东闵带来成功。不过原来心底，谢东闵一直都好想唱返歌。「有㗎，我一直都有同公司讲返我唱歌意愿，可以唱返主题曲，因为我自己又拍紧嘅时候，唱返咪更有感觉萝。」
